വീരണകാവ്: കൃഷിഭദ്ര എഫ്.പി.ഒയുടെ നേതൃത്വത്തിൽ ആരംഭിക്കുന്ന മൂല്യവർധിത ഉൽപ്പന്ന നിർമ്മാണ യൂണിറ്റിന്റെ ഉദ്ഘാടനം നടന്നു. കർഷകരിൽ നിന്ന് ലഭിക്കുന്ന കാർഷിക ഉൽപ്പന്നങ്ങൾക്ക് മൂല്യവർധന നൽകി വിപണിയിലെത്തിക്കുന്നതിനും കർഷകർക്ക് കൂടുതൽ വരുമാനം ഉറപ്പാക്കുന്നതിനും പദ്ധതി സഹായകരമാകും.
ബ്ലോക്ക് പഞ്ചായത്ത് പ്രസിഡന്റ് ശ്രീ. ചെറുവക്കോണം സത്യൻ ഉദ്ഘാടനം നിർവഹിച്ചു. ബ്ലോക്ക് വൈസ് പ്രസിഡന്റ് ശ്രീമതി എം. ജിജി അധ്യക്ഷയായി.
സ്ഥലം: കൃഷിഭദ്ര എഫ്.പി.ഒ, ചായക്കുളം, വീരണകാവ്
തീയതി: 01 ജൂലൈ 2026
സമയം: രാവിലെ 10 മണി
പ്രാദേശികമായി ഉൽപ്പാദിപ്പിക്കുന്ന നാളികേരം, ചക്ക, പഴവർഗങ്ങൾ തുടങ്ങിയ കാർഷിക വിഭവങ്ങളിൽ നിന്ന് വിവിധ മൂല്യവർധിത ഉൽപ്പന്നങ്ങൾ നിർമ്മിച്ച് വിപണിയിലെത്തിക്കുകയാണ് യൂണിറ്റിന്റെ ലക്ഷ്യം. കാർഷിക മേഖലയെ കൂടുതൽ സംരംഭകത്വപരമാക്കാനും കർഷക ഉൽപ്പന്നങ്ങൾക്ക് മികച്ച വിപണി കണ്ടെത്താനും ഈ സംരംഭം വഴിയൊരുക്കും.
